إذا الوحدة بدربها وطبرة الأحقاد ** تكطع كل جسر بالفرقة متعمده
يصير إلها من زاخو حد الفاو ** جسر حب العراق وتعبر الوحده
ويل سيفك شدد جبته عله ظهر الموت** وكصدك بالركاب الامنه أتحده
ما تدري الصبر سوه الركاب سيوف** تتحدى الصعاب وتذبح الشده
وياباب التدكه وينفتح ياباب *** ويطلع يا وطن ويعزب الضده
وذا جف الفتن عالوحدة يفتح باب *** يفزعله الشعب ويخوته ايسده
ومن ترسم جرح وتعلكه عالحيطان** حيطان الوطن متعهده اتضمده
وصح يبجي الوطن ودموعه كلها اتطيح ** بس دمعه التطيح اتخضر بورده
وبوجه الحزن جانت عيون تشوف ** لان عين الفرح جانت كبل رمده
لجن هسه الشمس سواها عين زماط ** وعله عيون الحزن كل ساعة تتعده
وما يحتاج أكلك وانته تعرف زين** من عزه وكرامه وماملك عنده
وتري بها الوطن جفينه من عباس** وعزمه عله الوفاء اتحزم وشده
وقبل مايه بشرف يتبده فوك الكاع ** وابد ما قبل عالغيره تتبده
